Վրացիներ

Զգալի թվով վրացիներ բնակվում են նաև Թուրքիայի արևելյան նահանգներում և Իրանի ներքին շրջաններում՝ հատկեպես Ֆերեյդուն-Քենար քաղաքում։ Շատ վրացիներ ունեն մուգ գույնի մազեր, հանդիպում են նաև շիկահերներ։ Վրացիների մեծ մասի աչքերը շագանակագույն են, իսկ 30%-ինը կապույտ կամ մոխրագույն։ Լեզվաբանական սկզբունքով վրացիները բաժանվում են 3 խմբի՝ իբերական, սվանական և մեգրելա-լազական։ Վրացիների դավանանքը քրիստոնեությունն է (ուղղափառությունը), որն ընդունվել է 319 թ. մայիսի 6-ին։ Մարդաբանորեն պատկանում են հիմնականում եվրոպեոիդ ռասայի պոնտոսական և կավկասիոնական խմբերին։ Վրաց ազգի կազմավորման ավարտը համարվում է հիմնականում 5-10 դարերը, թեև ողջ միջնադարում վրացիները բաղկացած են եղել տարբեր ազգագրական խմբերից և ցեղերից։

Վրացիների էթնիկ խմբերն են`  

• աջարներ (վրաց.՝ აჭარელი)
• գուրիներ (վրաց.՝ გურული)
• քարթլոսներ (վրաց.՝ ქართლელი)
• կախեթներ (վրաց.՝ კახელი)
• իմերեթներ (վրաց.՝ იმერელი)
• ինգիլոյներ (վրաց.՝ ინგილო)
• լազեր
• լեչխումներ (վրաց.՝ ლეჩხუმელი)
• մեգրելներ (վրաց.՝ მეგრელი)
• մեսխեթներ (վրաց.՝ მესხი)
• մոխևներ (վրաց.՝ მოხევე)
• մթիուլներ
• փշավներ (վրաց.՝ ფშაველი)
• սվաններ (վրաց.՝ სვანი)
• ռաչվելցիներ (վրաց.՝ რაჭველი)
• թուշիններ (վրաց.՝ თუში)
• խևսուրներ (վրաց.՝ ხევსური)