Ծնվեց «Բարի գիշեր, երեխաներ» հեռուստահաղորդման միտքը

Այսպիսի հաղորդում ստեղծելու միտքը պատկանում է Վալենտինա Ֆյոդորովային, որը, աշխատանքային գործուղման ընթացքում այցելելով ԳԴՀ, դիտում է փոքրիկ հողե մարդուկի մասին մուլտսերիալը:

 

Ի սկզբանե միտքը եղել է այսպիսին`   յուրաքանչյուր գիշեր հեռուստաեթերից երեխաների համար պետք է հեքիաթ հնչեր: Հաղորդման համար բազմաթիվ նախնական անվանումներ էին առաջարկվել, ինչպես օրինակ`   «Երեկոյան հեքիաթ», «Կախարդական մարդուկ Տիկ-տակի տանը» և այլն:

 

Նախնական շրջանում տեխնիկական հնարավորություն չկար հաղորդումը ձայնագրելու, ինչի պատճառով հաղորդումը հեռարձակվում էր ուղիղ եթերով և այն էլ նկարված անիմացիոն պատկերների տեսքով, որոնց համընթաց հնչում էր հաղորդավարի ձայնը: