Կաթնամթերքի որոշ տեսակներ վնասակար են երեխաների համար

Հարվարդի համալսարանի գիտնականները հայտարարել են կաթի և այլ տեսակի կաթնամթերքի անմտածված օգտագործման վնասակարության մասին: Նրանք ուսումնասիրություն են անցկացրել, որի հիման վրա եզրակացրել են` կաթնամթերքի ոչ բոլոր տեսակներն են օգտակար երեխաների համար:

Ուսումնասիրության հեղինակ մանկաբույժ Դեվիդ Լեդվիգն ասում է, որ եթե կաթը պարունակում է շաքար կամ այլ քաղրացնող բաղադրիչներ, ապա այն, անկասկած, վնասակար է:

Բացի այդ, գիտնականը համարում է, որ եթե սննդակարգում որոշակի մթերքների քանակը բարձր է, ապա կաթնամթերքի օգտագործման օրական ծավալը պետք է կրճատել: Երեխայի համար ամենամեծ չարիք կարելի է համարել շոկոլադե յուղազերծված կաթը:

Դրա բաղադրութան մեջ կալորիականությունն ապահովում են հիմնականում ճարպը և շաքարը: Մեկ բաժակ յուղազերծված մեկ տոկոսանոց կաթը պարունակում է երկու հարյուր կալորիա, որից տասնութը «կարծր ճարպ» է:

Ըստ մասնագետների` ավելի լավ է սննդակարգում մեծ տեղ զբաղեցնող կաթնամթերքը փոխարինել կալցիումով հարուստ այլ մթերքներով: Կաթի գործածությունը կարելի է նվազեցնել` ավելացնելով սննդակարգում լոբազգիներ, մասուր, ընկուզեղեն, կանաչի:

Ինչ վերաբերվում է մեծահասակներին, ապա կաթը վնասակար է լակտոզան դժվարությամբ մարսողների համար: Միևնույն ժամանակ առաջանում է վքնածություն, փորլուծություն, ստամոքս-աղիքային տրակտի խանգարում: