Թեյն առաջին անգամ ներմուծվեց Եվրոպա

Սկզբում թեյը հայտնի էր որպես ապաքինող ըմպելիք, բայց մի քանի տասնամյակի ընթացքում այն սկսեցին խմել պարզապես հաճույքի համար:

Ֆրանսիացիներն իմացան թեյի մասին 1636 թվականին հոլանդացիներից: Թեյի առաջին սիրահարներից մեկը Լյուդովիկոս XIV-ն էր: Նա իմացավ, որ չինացիներն ու ճապոնացիները թեյի շնորհիվ չեն տառապում տարբեր հիվանդություններով և հրամայեց թեյով իրեն էլ բուժել:

Աստիճանաբար թեյը լայն տարածում գտավ արքայի հպատակների շրջանում: Մարդիկ հիացած էին այդ էկզոտիկ ըմպելիքով ու թեյախմությունը դարձրել էին չինական ծեսի նման մի բան, որի ընթացքում շեշտը դրվում էր հիմնականում արարողակարգի վրա:

Թեյն առաջին անգամ Գերմանիա հասավ 1650-ականներին: Դրա մասին վկայում են դեղատան "Herba thea" պիտակները, որոնք առաջին անգամ օգտագործվել են 1657 թվականին, իսկ 1658 թվականին Փարիզի արքայական այգում տնկվեցին թեյի թփեր: