Հիդասպեսի ճակատամարտ

Մարտի նախապատրաստման շրջանում բազմաթիվ մակեդոնացի զինվորներ զոհվեցին անսովոր կլիմայի հետևանքով: Ճակատամարտը երկու փուլով ընթացավ: Նախ ծանր հետևակազորը, Ալեքսանդրի զորավար Քրաթերի ղեկավարությամբ,կեղծ ցուցադրեր գետանցման պատրաստություններ ու դրանով շեղեց մյուս ափին ճամբարված հնդիկ զորքի ուշադրությունը: Իսկ այդ ժամանակ, 26 կիլոմետր հոսանքն ի վեր, Ալեքսանդրի հիմնական ուժերը կատարեցին աննախադեպ գիշերային արշավ. ուժգին ամպրոպի ու տեղատարափի պայմաններում նրանք բեռնավորվեցին նավերի ու լապտերի վրա, կատարեցին գետանցումը և վաղ առավոտյանը անսպասելի գրոհեցին Պորի ճամբարին:

 

Ռաջա Պորը անձամբ էր գլխավորում իր զորքը, որի կազմում ընդկրկված էին մարտակառքեր ու հատուկ վարժեցրած փղեր: Մարտի ընթացքում հնդիկ զինվորները ցուցադրեցին բարձր մարտական հատկանիշներ, նրանց հեծելազորը հակահարվածի դիմեց, փղերը գրոհեցին մակեդոնացիների վրա: Կրիտիկական վիճակը հանգույցալուծեց մակեդոնացիների փառապանծ մարտունակությունը. հնդիկ հեծելազորը հետ մղվեց, հենց փղերի ոտքերի տակ: Նետաձիգները հեռվից վիրավորում էին կենդանիներին, և մոլեգնած աժդահաները մխրճում էին իրենց զինվորներին: Վրա հասած Քրաթերի զորքը ապահովեց կատարյալ հաղթանակը:

 

Պորի բոլոր զորավարները, երկու որդիներն ու թոռը զոհվեցին, իսկ ինքն, վիրավորված, գերևարվեց մակեդոնացիների կողմից: Պորի արտաքին արնական տեսքը և զորավարի կեցվածքը տպավորեցրին Ալեքսանդրին: Երբ նա հարցրեց Պորին, թե ինչպես նա կցանկանար, որ իր հետ վարվեին, վերջինս պատասխանեց. ՛՛Արքային վայել ձևով՛՛: Ալեքսանդրը ցուցադրեց իր կանխամտածված գթառատությունը. նա ոչ միայն չպատժեց Պորին, այլ վերադարձրեց իր կալվածքները ու դրանով հուսալի հակակշիռ ստեղծեծ մյուս զավթված հնդկական թագավորությանը, Թաքսիլին:

Հիդասպես գետի հաղթանակով ավարտվեց Փենջաբի ենթարկումը: