ԱՄՆ-ի առաջին նախագահի պաշտոնամուտը

Վաշինգտոնը նախագահել է 1789-1797թթ.-ին: Հյուսիսային Ամերիկայի անկախության պատերազմում նա ղեկավարել է ամերիկյան բանակի զինված ուժերը:

Պետությանը մատուցած ծառայությունների համար ԱՄՆ-ի Կոնգրեսը նրան շնորհել է Հայրենիքի հայր տիտղոսը: Ջորջ Վաշինգտոնը ծնվել է հողատիրոջ ընտանիքում, կրթությունն ստացել է տանը, հետագայում լրացրել է ինքնակրթությամբ:

1752թ.-ին ժառանգել է մեծ կալվածք Մաունթ Վեռնոնում: Նույն թվականին որպես աշխարհազորային մասնակցել է ֆրանսիացիների և հնդկացիների դեմ սկսված մարտական գործողություններին: 

1758թ.-ին պաշտոնաթող է եղել գնդապետի կոչումով: ԱՄՆ-ի 1-դոլարանոց թղթադրամի վրա պատկերված է Վաշինգտոնի դիմանկարը: 

Վաշինգտոնի անունով են կոչվել ԱՄՆ-ի մայրաքաղաքը, նահանգ, լիճ և կղզի, սար ու խնձահովիտ (կանյոն), բազմաթիվ բնակավայրեր, քոլեջներ ու համալսարաններ, փողոցներ և հրապարակներ:

1888թ.-ին ԱՄՆ-ի մայրաքաղաքում կանգնեցվել է Ջորջ Վաշինգտոնի արձանը, Մաունթ Վեռնոնում գործում է նրա տուն-թանգարանը: