Մազերի խնամքի ժողովրդական միջոցներ

Բազուկի ձեթ

 

Եթե մազաթափություն ունեք, ապա ցանկացած դեղատնից կարող եք ձեռք բերել բազուկի ձեթ: Դա հրաշալի միջոց է մազերի խնամքի համար: 2 օրը մեկ մազերը տրորեք այդ ձեթով, թողեք 2-3 ժամ`   փաթաթելով սրբիչով, քանի որ տաքությունից ազդեցությունն ավելի արդյունավետ է դառնում: Գերազանց կլինի, եթե կարողանաք ողջ գիշերը թողնել, իսկ առավոտյան լվանալ:

 

Ձվի դեղնուց

 

Եթե Ձեզ դուր չի գալիս Ձեր սանրվածքը, մազերը դժվարությամբ են սանրվում և կորցրել են փայլն ու ծավալը, ապա կարող եք սնուցել դրանք դեղնուցային քսուքով: 1 դեղնուցը հարեք զեյթունի ձեթի հետ այնքան, որ ստացվի թանձր զանգված, ապա քսեք խոնավ մազերին, պոլիէթիլենային տոպրակ հագցրեք Ձեր գլխին ու վրայից էլ սրբիչ փաթաթեք տաքության համար: 1 ժամից կարող եք լվանալ: Այս միջոցը կարելի է կիրառել շաբաթական մեկ անգամ:

 

Չիչխանի պտուղներ կամ յուղ

 

Մազաթափության դեպքում հարկավոր է սննդի մեջ օգտագործել չիչխանի պտուղներ կամ խմել մատղաշ ճյուղերի թուրմը (1 ճաշի գդալ`   1 լ ջրին): Մազերը լվանալուց հետո կարելի է չիչխանի յուղ ներմերսել կամ էլ վաղենակի ու գերչակի յուղերի խառնուրդ կիրառել, համապատասխանաբար`   10:1 հարաբերությամբ, ու ներմերսել գլխին մազերը լվանալուց մի քանի ժամ առաջ:

 

Դափնետերև 

 

Դափնետերևը կարգավորում է արյան շրջանառությունը, ունի հակաբորբոքային հատկություն: Տերևների եփուկը հրաշալի միջոց է մազերի խնամքի համար: Դրա համար հարկավոր է մի բուռի չափ տերևները եռացնել 1 լ ջրում 20 րոպե և այդ եփուկով մազերը ողողել ամեն անգամ լվանալուց հետո:

 

Մեղր 

 

Մեղրային դիմակները ևս շատ արդյունավետ են: Դրա համար հարկավոր է 30գ մանրացրած երիցուկի վրա լցնել 100 գ եռման ջուր ու թողնել 15-20 րոպե, ապա հովացնել ու քամել, ավելացնել 1 միջին չափի գդալով մեղր, ավելի լավ է`   հալած: Մազերը լվանալ, չորացնել սրբիչով և այդ պատրաստուկով ցողել, իսկ կես ժամից`   լվանալ 1 ճ գդալ քացախ ավելացրած տաք ջրով: Եթե ձեր մազերը չոր են, ապա այս միջոցը կարելի է կիրառել 10-12 օրը մեկ, իսկ եթե յուղոտ են`   6-7 օրը մեկ:

 

Մազերը կենդանացնող յուղեր

 

Հակամանրէային հատկությամբ օժտված ժոժոբայի կամ թեյածառի յուղերը կարգավորում են ճարպափոխանակությունն ու վերացնում թեփը: