Վաճառքի հանվեցին առաջին բարբի տիկնիկները

Բանն այն է, որ Ռութի աղջիկ Բարբարան շատ էր սիրում խաղալ իր տիկնիկների հետ և տարբեր տուփերից օրորոցներ ու սեղաններ էր պատրաստում նրանց համար, մայրիկն էլ հաճույքով հետևում էր նրա «շինարարական աշխատանքներին»:

 

Ահա այդպես էլ Ռութ Հենդլերն սկսեց մանկական կահույքի արտադրությունն ու շուտով հասկացավ, որ փոքրիկ օրորոցները և պահարաններն ավելի լավ են վաճառվում, քան փայտե շրջանակները: Մի քանի տարի անց Ռութը Շվեյցարիայում մի յուրօրինակ տիկնիկ տեսավ, որին կոչում էին Լիլի:

 

Տիկնիկը շիկահեր էր և ավելի շատ ոչ թե մանկական խաղալիք էր հիշեցնում, այլ երիտասարդ կնոջ: Տիկնիկն այնքան դուր եկավ Ռութին, որ նա գնեց Լիլիի հեղինակային իրավունքներն ու վարձելով լավագույն արվեստագետ-նկարիչների և ճարտարագետների՝ պատվիրեց տիկնիկին դարձնել էլ ավելի գեղեցիկ ու հմայիչ:

 

Երբ տիկնիկը պատրաստ էր, Ռութը հրավիրեց թվով 100 տարբեր տարիքի մայրիկների և աղջիկների և ցուցադրեց նոր տիկնիկը՝ խնդրելով կարծիք հայտնել: Գրեթե բոլոր մայրերն ասացին, որ բարբին շատ բնական տեսք ունի, և այսպիսի տիկնիկի հետ խաղալը կարող է լուրջ ազդեցություն թողնել երեխաների հոգեկան աշխարհի վրա:

 

Իսկ բոլոր երեխաները միաձայն հայտարարեցին, որ իրենք հենց այսպիսի տիկնիկ են ուզում: Ռութը որոշեց լսել երեխաներին: Նա տիկնիկին կոչեց իր դստեր՝ Բարբարայի անունով, ու սկսվեց իսկական բարբիմանիան: Տիկնիկին սկսեցին հագցնել ամենատարբեր հագուստներ, նա հսկայական զգեստապահարան ուներ:

 

Բարբիի համար հագուստներ էին կարում աշխարհահռչակ դիզայներները: Զգեստապահարանին ավելանում էր նաև տիկնիկի մանկական կահույքը, որն արդեն վաղուց արտադրում էր Ռութ Հենդլերը: Ռութը որոշեց չսահմանափակվել 1 տիկնիկով:

 

Այսօր տիկնիկն ունի քույրեր, եղբայրներ, ընկերուհիներ, անգամ՝ տատիկ և պապիկ: Բարբիին հասցրել են նաև ամուսնացնել Քենի հետ: Քենին կոչել էին այդպես Ռութ Հանդլերի որդու անունով: Բարբիի բոլոր բարեկամների համար էլ, իհարկե, նախատեսված են առանձին զգեստապահարաններ, մեքենաներ և զարդեր:

 

Իրականում, սակայն, Ռութ Հենդլերի աղջիկը՝ Բարբարան, այնքան էլ ուրախ չէր այս ամենի համար, չէ՞ որ նրան անդադար համեմատում էին տիկնիկի հետ: Այսօր բարբի տիկնիկները հայտնի են ողջ աշխարհում: Անգլիայում կա Բարբիի փողոց, Հավայան կղզիներում՝ Բարբիի թանգարան: