Կինոարվեստ

Կինոարվեստը միավորում է տարածական և ժամանակային արվեստների հնարավորությունները, սինթեզում գրականության, թատերարվեստի, կերպարվեստի, երաժշտության հատկանիշները միայն իրեն հատուկ արտահայտչամիջոցների հիման վրա, որոնցից հիմնականը պատկերի վավերական-լուսանկարչական բնույթն է ու մոնտաժը: Կինոերկի ստեղծումը ստեղծագործական և արտադրական բարդ պրոցես է, ուր միավորվում են սցենարի հեղինակ-կինոդրամատուրգի, ռեժիսորի, դերասանների, օպերատորի, նկարչի, կոմպոզիտորի և մյուսների աշխատանքը:

Կինոարվեստի պատմությունը պայմանականորեն բաժանվում է 4 շրջանի`   

1. Լ. և Օ. Լյումիեր եղբայրների կինոգյուտից մինչև Առաջին համաշխարհային պատերազմի վերջը (1895-1918) 
2. 1920-ական թթ.,երբ ձևավորվում է համր կինոն`   որպես արվեստ: 
3. 1930-40ական թթ. երբ հնչող խոսքը կինոարվեստը մոտեցնում է թատրոնին և գրականությանը:
4. Կինոարվեստի արդի շրջան