Տեղի է ունեցել Դերջանի ճակատամարտը:

Թե՛ կարա-կոյունլուների, թե՛ ակ-կոյունլուների տիրապետությունը կատարյալ խավարի դարաշրջան էր Հայաստանի համար, և, այնուհանդերձ, Հայաստանին սպասվում էր առավել թշվառ մի ժամանակաշրջան, երբ թուրք-օսմանցիները և Սեֆյանները կջախջախեին ակ-կոյունլուներին և պատերազմներ կսկսեին միմյանց միջև:

 

Օսմանյան սուլթան Մեհմեդ 2-րդ Ֆաթիհը 1473թ.-ի օգոստոսին Դերջանի մոտ տեղի ունեցած վճռական ճակատամարտում ծանր պարտության մատնեց ակ-կոյունլու թուրքմենների սուլթան Ուզուն Հասանին (1453 - 1477): Դերջանի ճակատամարտի անմիջական հետևանքն էր Մեծ Հայքի հյուսիսարևմտյան մասի (Էրզրում, Կամախ, Դերջան, Բաբերդ) միացումը Օսմանյան Թուրքիային: