Դոմոդեդովոյի օդանավակայանում որոտաց պայթյուն

Պայթյունը համարժեք էր 7 կգ տրոտիլի, պայթուցիկում կտրող-ծակող մետաղական իրեր են եղել։ Ըստ Ռուսաստանում Հայաստանի դեսպանատան մամուլի ծառայության հաղորդագրության`   դեսպանատունը տեղի ունեցածի կապակցությամբ այդ օրն անցել է շուրջօրյա աշխատանքի:

Օդանավակայան և հիվանդանոցներ են ուղարկվել դեսպանատան աշխատակիցները`   ստուգելու զոհվածների և վիրավորների թվում հայերի կամ Հայաստանի քաղաքացիների առկայության փաստը: Ըստ լրատվական գործակալությունների տվյալների`   սկզբում հաղորդվում էր վիրավորվածների թվում մեկ հայի առկայության մասին (42-ամյա Կարեն Գալուստյան): Ըստ հունվարի 25-ի տվյալների՝ տուժվածների թվում կար չորս հայ: