Ֆուտբոլի միջազգային օր

Առաջին հիշատակումը ոտքով գնդակ խաղալու մասին հանդիպում է չինական աղբյուրներում`   մ.թ.ա. երկրորդ հազարամյակ թվագրմամբ: Չինացի զինվորներն այդ խաղի շնորհիվ մնում էին լավ ֆիզիկական վիճակում:

 

2,5 հազարամյակ առաջ ֆուտբոլ խաղացել են նաև Հին Հունաստանում և Հռոմում: Ոմանք պնդում են, որ ժամանակակից ֆուտբոլի հիմքը 8-րդ դարում Անգլիայում ապրած սաքսոնների վայրի խաղն է`   ճակատամարտից հետո թշնամու կտրած գլուխներին ոտքով հարվածելը:

 

1863 թ.-ին ստեղծվեց ֆուտբոլի անգլիական ասոցիացիան և ընդունվեցին խաղի կանոնները`   արգելելով ձեռքով խաղը: 1872 թ.-ին տեղի ունեցավ առաջին միջազգային հանդիպումն Անգլիայի և Շոտլանդիայի հավաքականների միջև:

 

Դարպասային ցանցն առաջին անգամ օգտագործվեց 1891թ.-ին Անգլիայի Հյուսիսի և Հարավի հավաքականների խաղում: