Սինգապուրը հռչակվել է առանձին հանրապետություն

Երկրորդ համաշխարհային պատերազմի տարիներին (1942–1945թթ.) կղզին զավթել են ճապոնական զորքերը: 1959թ.-ից ինքնակառավարվող պետություն էր Բրիտանական համագործակցության կազմում: 1963-1965թթ. եղել է Մալայզիայի կազմում, 1965թ.-ից հռչակվել է առանձին հանրապետություն:

 

Բնակչության ավելի քան 77,3%-ը չինացիներ են, 14,1 %-ը՝ մալայացիներ, բնակվում են նաև եվրոպացիներ, արաբներ և այլք: Խոշոր քաղաքներ են Սինգապուրը, Նանյանը:

 

Սինգապուրն ունի զարգացած արդյունաբերություն: Կան նավանորոգման, նավթավերամշակման, մետաղաձուլական, քիմիական, սննդի, թաղանթանյութ-թղթի արդյունաբերության ձեռնարկություններ: Երկիրն առանձնանում է էլեկտրատեխնիկական, էլեկտրոնային, տրանսպորտային մեքենաշինության, բժշկական և օպտիկական սարքերի, հուշանվերների, խաղալիքների արտադրությամբ:

 

Մշակում են կաուչուկատուներ, ծխախոտ, համեմունքային բույսեր, մրգեր, բանջարեղեն և հատկապես`   ծաղիկներ:

 

Երկրի մայրաքաղաքը խոշորագույն տնտեսական, մշակութային և առողջարանային կենտրոն է, աշխարհի ամենամեծ նավահանգիստը (2-րդը Ռոտերդամից հետո):