Կարմիր բանակի զորամասերն ազատագրեցին Սիսիանը

Ուժերն անհավասար էին, Զանգեզուրի ինքնապաշտպանները բավական հյուծվել էին, զորքի հիմնական մասը կազմող գյուղացիությունը կարոտել և ուզում էր վերադառնալ հողագործական աշխատանքներին, Արարատյան դաշտավայրից Սյունիքի, Մեղրիի տարածքով Արաքս գետի և Պարսկաստանի ուղղությամբ նահանջող փախստականները հոգեբանական ավերածություններ էին գործում և խուճապ տարածում:

 

Խորհրդային Հայաստանի Ժողկոմխորհի նախագահ Ա. Մյասնիկյանի բազմիցս արած հավաստիացումներով, որ Զանգեզուրը Հայաստանի բաղկացուցիչ մասն է կազմելու, Գ.Նժդեհին գոհացում տալու ու բազմաթիվ այլ պատճառներով իշխանությունը զիջվեց բոլշևիկներին: Զանգեզուրը խորհրդայնացվեց և վերամիավորվեց Խորհրդային Հայաստանի հետ: