Դիեգո Տատյան

Դիեգո Տատյանը ծնվել է 1965 թվականին Արգենտինայի Կորդոբա քաղաքում: Մասնագիտությամբ փիլիսոփա է, Կորդոբայի պետական համալսարանի Փիլիսոփայության ֆակուլտետի դեկանն է:

Ըստ որում, այս համալսարանը Ամերիկա մայրցամաքի չորս ամենահին կրթահամալիրներից է, որի շնորհիվ քաղաքը ձեռք է բերել La Docta, այսինքն «Գիտուն քաղաք» կամ «Գիտունների, իմաստունների քաղաք» անվանումը:

Տատյանը հայտնի է իր գիտական և վերլուծական աշխատանքներով՝ նվիրված Սպինոզային, Հայդեգերին և Բորխեսին:

Տատյանը հրատարակել է նաև պատմվածքների և փիլիսոփայական մանրապատումների մի քանի ժողովածուներ, և առաջին անգամ հայերենով ներկայացնում է դրանց ծաղկաքաղը «Հետմիջօրե» գրքույկում:

Նրա աշխատանքները թարգմանվել են նաև ֆրանսերեն, անգլերեն և պորտուգալերեն: