Հիվանդության պատճառով զինծառայողներին տրվող արձակուրդի իրավունք

Պարտադիր զինծառայողների բուժման մեջ գտնվելու ժամանակահատվածը չի կարող գերազանցել անընդմեջ 90 օրացուցային օրը:

Բուժման ավարտից հետո պարտադիր զինծառայողները ենթակա են ռազմաբժշկական փորձաքննության, որի արդյունքներով կենտրոնական ռազմաբժշկական հանձնաժողովը կարող է երկարաձգել բուժման մեջ գտնվելու ժամկետը`   մինչև 30 օրացուցային օր, կամ սահմանել վերականգնողական ժամկետ`   մինչև 30 օրացուցային օր:

Այն դեպքերում, երբ պարտադիր զինծառայողը հիվանդացել է հիմնական կամ լրացուցիչ արձակուրդի ընթացքում, նրա հիվանդության ժամանակահատվածը չի հաշվարկվում հիմնական կամ լրացուցիչ արձակուրդի օրերի մեջ:

Իրավական հիմքեր.

1. «Զինվորական ծառայության և զինծառայողի կարգավիճակի մասին» ՀՀ օրենքի 28-րդ հոդվածի 8-րդ, 10-րդ, 11-րդ մասեր։