Առողջական խնդիրներ՝ զինվորական ծառայության ընթացքում

Հիվանդանալու դեպքում նա պարտավոր է այդ մասին անմիջապես զեկուցել իր անմիջական պետին և նրա թույլտվությամբ դիմել գնդի բուժկետ`   բժշկական օգնություն ստանալու:

Բուժօգնության կարիք ունեցողներին առավոտյան ստուգման ընթացքում վաշտի հերթապահը գրանցում է հիվանդների գրանցման գրքում`   նրանց գնդի բուժկետ ուղարկելու համար: Հանկարծակի հիվանդացած կամ վնասվածք ստացած զինծառայողներն օրվա ցանկացած ժամին անհապաղ ուղարկվում են գնդի բուժկետ:

Բուժզննում անցնելուց հետո հիվանդները բուժման են ուղարկվում գնդի բուժկետ, գնդից դուրս գտնվող բուժհիմնարկ (հոսպիտալ, հիվանդանոց) կամ նրանց նշանակվում է ամբուլատոր բուժում`   պայմանավորված հիվանդության բնույթով:

Արձակուրդի կամ գործուղման ժամանակ հիվանդացած զինծառայողներին ստացիոնար բուժման են ուղարկում զինվորական պարետները կամ զինվորական կոմիսարները:

Զինծառայողներն ու նրանց ընտանիքների անդամները Հայաստանի Հանրապետության պետական բյուջեի միջոցների հաշվին ապահովվում են որակյալ բժշկական օգնությամբ:

Իրավական հիմքեր.

1. «Զինվորական ծառայության և զինծառայողի կարգավիճակի մասին» ՀՀ օրենքի 64-րդ հոդվածի 1-ին մաս,

2. Հայաստանի Հանրապետության զինված ուժերի ներքին ծառայության կանոնագրքի 236-րդ, 337-րդ, 350-րդ, 351-րդ, 352-րդ, 357-րդ կետեր։