Հավելված 1․ Զինված ուժերի անդամներին առնչվող մարդու իրավունքները՝ ըստ ԵԽ առաջարկությունների

Զինված ուժերի անդամները պետք է ունենան հետևյալ հիմնարար իրավունքներն ու ազատությունները․

կյանքի իրավունք (հաշվի առնելով, սակայն, զինվորական մասնագիտությանը հատուկ վտանգները)
խոշտանգումներից և անմարդկային կամ նվաստացուցիչ վերաբերմունքից կամ պատժից պաշտպանվելու իրավունք
արգելել ստրկությունը, ճորտությունը, այնպիսի առաջադրանքների իրականացումը, որոնք համատեղելի չեն ազգային պաշտպանության ծառայության նրանց հանձնարարությունների հետ և հարկադիր կամ պարտադիր աշխատանքը
իրավական պաշտպանության իրավունք` նրանց իրավունքների խախտման դեպքում, ազատության և անվտանգության իրավունք, անկախ դատարանների կողմից արդար դատական վարույթի իրավունք, ինչպես նաև բողոքարկման իրավունք
խտրականության արգելում
մտքի, խղճի և դավանանքի ազատության իրավունք
քաղաքացիական իրավունքների լիակատար իրականացման իրավունք, մասնավորապես, քվեարկելու իրավունք
սեփականությունը հարգելու իրավունք
ամուսնանալու և ընտանիք հիմնելու իրավունք:

Զինված ուժերի անդամները պետք է ունենան հետևյալ հիմնարար ազատություններն ու իրավունքները, որոնք, սակայն, կարող են ենթարկվել որոշակի սահմանափակումների․

արտահայտվելու ազատության իրավունք
հավաքների և միավորման ազատության իրավունք, այդ թվում` արհեստակցական միություններ հիմնելու և քաղաքական կուսակցություններին անդամակցելու իրավունք
անձնական և ընտանեկան կյանքի, բնակարանի և նամակագրության գաղտնիության իրավունք:

Զինված ուժերի անդամների կողմից վերոնշյալ կետերում նշված իրավունքներից օգտվելու և կիրառելու ցանկացած սահմանափակում պետք է բավարարի հետևյալ առանձին չափանիշները․

դրանք պետք է օրինական նպատակ ունենան, լինեն ճշգրտորեն հիմնավորված կարիքներով և զինվորական կյանքի առանձնահատկություններով, կարգապահությամբ և զորավարժություններով և համեմատական լինեն նպատակների հետ
դրանք պետք է հայտնի լինեն, նախատեսված և հիմնավոր կերպով սահմանված լինեն օրենքով և համապատասխանեն սահմանադրության դրույթներին
չպետք է անհիմն կերպով սպառնալիք ներկայացնեն կամ վտանգեն զինված ուժերի անդամների ֆիզիկական կամ հոգեկան առողջությունը
պետք է հարգեն Մարդու իրավունքների եվրոպական կոնվենցիայով նախատեսված սահմանները։

Զինված ուժերի անդամները պետք է նաև օգտվեն տնտեսական և սոցիալական իրավունքներից, այդ թվում`

պատշաճ և համապատասխան կացարանի/բնակվելու վայրի իրավունք,
արդարացի վարձատրություն և աշխատանքային կենսաթոշակ ստանալու իրավունք,
առողջության պահպանման և աշխատանքային անվտանգության իրավունք,
պատշաճ և բավարար սնվելու իրավունք:

Զինված ուժերի անդամները պետք է տեղեկացված լինեն իրենց իրավունքների վերաբերյալ և ուսուցանվեն մարդու իրավունքների վերաբերյալ իրենց իրազեկվածությունը բարձրացնելու համար: