Խախտված իրավունքների վերականգնման ընթացակարգը

Իր իրավունքները խախտող գործողությունները, անգործությունը, հրամանները և որոշումները զինծառայողը կարող է բողոքարկել վերադասության կարգով (զեկուցագիր, դիմում կամ բողոք (տե՛ս հավելված 10) ներկայացնելու միջոցով) կամ դատական կարգով։

Վերադասության կարգով բողոքարկումն անձին չի զրկում դատարան դիմելու իրավունքից և այն դեպքերում, երբ վերադասության կարգով բողոքարկումն արդյունք չի տալիս, կարելի է դիմել դատարան։

Եթե զինծառայողի իրավունքները խախտող գործողությունները կամ անգործությունն իրենց մեջ պարունակում են հանցագործության տարրեր, զինծառայողը պարտավոր է դիմել ոստիկանություն կամ ռազմական ոստիկանություն, դատախազություն կամ զինվորական դատախազություն։

Հավելված 9․ Կառույցներ, ուր կարելի է ներկայացնել բողոքներ զորակոչի կամ զինվորական ծառայության ընթացում իրենց կամ իրենց հարազատների իրավունքների ոտնահարման դեպքերը կանխելու համար

Պետական մարմիններն են ՀՀ դատախազությունը, ՀՀ քնչական ծառայությունը, Մարդու իրավունքների պաշտպանի գրասենյակը։

Կարելի է դիմել նաև

«Խաղաղության երկխոսություն» ՀԿ

Հեռ․՝ + 374 93820632 + 374 55820632 + 374 (322) 21340

Ղեկավարի անունը, ազգանունը՝ Էդգար Խաչատրյան

Հասցեն՝ Հայաստանի Հանրապետություն, 2002, ք. Վանաձոր, Մյասնիկյան 12, բն. 40, «ԽԵ» գրասենյակ

Էլ. հասցեն՝ [email protected], [email protected], [email protected]