Իլյա Իլֆ և Եվգենի Պետրով

Իլյա Իլֆի (1897 – 1937թթ.) իսկական անունն է Յեհիել-Լեյբ Արյեվիչ Ֆայնզիլբերգ (Иехиел-Лейб Арьевич Файнзильберг), Եվգենի Պետրովինը (1903 – 1942թթ.)՝ Եվգենի Պետրովիչ Կատաև (Евгений Петрович Катаев)։

Նրանք համատեղ գրել են «Տասներկու աթոռ» (1928) и «Ոսկե հորթը» (1931) երգիծական վեպերը, որոնց գլխավոր գործող անձը հնարամիտ արկածախնդիր Օստապ Բենդերն է։

Վեպերը մեծ ճանաչում են բերել երկու գրողներին։ Դրանք թարգմանվել են բազմաթիվ լեզուներով, այդ թվում նաև հայերեն։

Իլյա Իֆլն իր կարիերան սկսել էր որպես լրագրող։ Եվգենի Պետրովը նույնպես սկսել է աշխատել որպես թղթակից և նույնիսկ կարճ ժամանակ աշխատել է որպես հետախույզ։

1923 թ.-ին երկուսն էլ իրարից անկախ տեղափոխվում են Մոսկվա։ Իլֆն այնտեղ հոդվածներ էր գրում տարբեր լրագրերի և ամսագրերի համար։ 1925 թվականին նա սկսեց սատիրային գրառումներ անել «Գուդոկ» թերթի համար, որտեղ նա հանդիպեց Պետրովին։

Պետրովը սկզբում լրագրող էր աշխատում «Կրասնի Պերեց» թերթի համար, իսկ 1923 թվականից՝ «Գուդոկի» համար։ Երկու գրողներն սկսեցին միասին աշխատել, ինչի արդյունքն եղավ 1928 թվականին «Տասներկու աթոռ» գիրքը։

Այս գրքում Օստապ Բենդերը որոնում է Ռուսական հեղափոխությունից առաջ աթոռի մեջ թաքցված մի գանձ։ Նա օգտվում է ռուսական բյուրոկրատիայի թույլ կետերից, խաբում է ճամբին հանդիպած պարզամիտ պաշտոնյաներին։

1931 թ.-ին լույս տեսավ այս գրքի շարունակությունը՝ «Ոսկե հորթը»։

1929 թ.-ին լույս էր տեսել նաև երգիծական պատմությունների հավաքածու «Հազար ու մի գիշեր, կամ Նոր Շահերեզադա» գիրքը, որը նրանք հրապարակել էին Ֆ. Տոլստոյևսկի կեղծանվան տակ։

1933-1934 թթ.-ին երկու գրողները միասին ճամփորդեցին Եվրոպայով, իսկ 1935-1936 թթ.-ին՝ Ամերիկայի Միացյալ Նահանգներով։ Նրանց տպավորությունները ֆոտո-էսսեների տեսքով տպվում էին «Օգոնյոկ» ամսագրում։ Շուտով լույս տեսավ նաև նրանց չորրորդ գիրքը՝ «Միհարկանի Ամերիկան» (1936)։

Իլյա Իլֆը մահացավ 1937թ.-ին՝ տուբերկուլյոզից։ Պետրովը շարունակեց «Լիտերատուրնայա գազետա» և «Օգոնյոկ» ամսագրերի համար։ Նա նաև գրում էր ֆիլմերի սցենարներ։ Պետրովը զոհվեց 1942թ.-ին ավիավթարից Կիևի մոտ, որտեղ նա ռազմական թղթակից էր։