Բույսերի ցրտադիմացկունություն

Ցրտադիմացկուն բույսերը (գարի, վարսակ, ճակնդեղ և այլն) ունակ են ցածր դրական ջերմաստիճանների ազդեցությամբ վերափոխել իրենց բջիջների կառուցվածքը և ֆունկցինոնալ կազմակերպումը: Այս ընթացքում արագանում է աճը, մեծանում է սպիտակուցների, ամինաթթուների և հատկապես շաքարների պարունակությունը:

 

Ջերմասեր բույսերի մոտ այս հատկությունն ավելի թույլ է արտահայտված, որի հետևանքնով նրանք ցածր ջերմաստիճանների դեպքում վնասվում են, իսկ հետագայում մահանում նյութափոխանակության չվերականգնվող խախտման պատճառով:

 

Բույսերը կարող են մահանալ նաև սնկային և այլ հիվանդությունների հանդեպ դիմացկունության նվազման պատճառով: Բույսերի ցրտակայունությունը բարձրանում է կալիումական պարարտանյութերի ներմուծմամբ: Տարիների ընթացքում ընտրասերման շնորհիվ ստացվել են մշակաբույսերի նոր ցրտակայուն սորտեր: