Մարդկանց սիրտը կարելի է փոխարինել խոզի սրտով

Կենդանիների օրգանների փոխպատվաստման (քսենոտրասպլանտացիա) ընթացքում ամենամեծ խնդիրը, որը կարող է առաջանալ, անհամապատասխանությունն է։ Ուսումնասիրման համար ընտրվել են հենց խոզերը, քանի որ նրանց անատոմիան համատեղելի է մարդու անատոմիայի հետ: Խոզի սրտի փականներն արդեն օգտագործվել են մարդու սրտի փականները փոխարինելու համար։

 

ԱՄՆ -ի Սրտի, թոքերի և արյան ազգային ինստիտուտի (NHLBI) հետազոտողների խումբն ավելացրել է մարդկային մի քանի գեներ խոզի գենոմի մեջ՝ ոչնչացնելով այն գեները, որոնք կարող են իմունային պատասխան առաջացնել մարդու օրգանիզմում։

 

Այնուհետև խոզի ձևափոխված սրտերը տեղադրվել են բաբուինի սրտի կողքին։ Բաբուիններին բուժել են դեղամիջոցներով, որոնք ճնշում են իմունային համակարգը։ Չորս փոխպատվաստված օրգան ընդունվել է բաբուինների օրգանիզմի կողմից, և գործել մեկ տարի։

 

Հաջորդ քայլով գիտնականները նախատեսում են փոխարինել բաբուինի սիրտը խոզի սրտով՝ որոշելու համար՝ արդյո՞ք այդպիսի փոխպատվաստումից հետո բաբուինը կարող է ապրել բնականոն կյանքով։ Հետազոտողների այս խումբը կարծում է, որ կենդանիների օրգանների փոխպատվաստումը կարող է լուծել դոնորների պակասի խնդիրը։