Աղջիկներն ավելի ծանր են տանում ուղեղի ցնցումը

Իր նոր հետազոտության մեջ բժիշկ Շեյն Ֆերը հետևել է կլինիկաներում և հիվանդանոցներում ցնցումից բուժվող 549 հիվանդի, որոնցից 235-ն աղջիկներ են եղել:

 

Տղաների հետ համեմատած՝ աղջիկների մոտ ախտանիշներն ավելի ծանր են եղել, իսկ լավացումը ձգվել է 22 օր ավելի երկար:

 

Ուղեղի ցնցում է համարվում ցանկացած գանգուղեղային վնասվածք, որը խանգարում է ուղեղի բնականոն գործունեությունը:

 

Երեխաները հիմնականում գանգատվել են գլխացավերից, ուշադրության կենտրոնացման խնդիրներից, ինչպես նաև ունեցել են բարձր զգայունություն լույսի, ձայնի հանդեպ և գլխապտույտ:

 

Ինչպես տղաների, այնպես էլ աղջիկների համար ծայրահեղ կարևոր է անհապաղ բժշկի դիմելը, քանի որ նման վիճակում նորից խաղին վերադառնալը կարող է շատ վտանգավոր լինել, անգամ՝ մահացու:

 

Աղբյուրը՝ Med.news.am