Տհաճ հոտեր. առաջացման պատճառներ, պայքարի մեթոդներ

Ոտնաթաթի մաշկին կա 250000 քրտնագեղձ: Եթե Դուք կրում եք գուլպաներ կամ կոշիկ`   սինթետիկ նյութերից, Ձեր ոտքերն սկսում են հոտ տարածել: Դրա պատճառը բազմաթիվ քրտնագեղձերում առկա հատուկ մանրէների անկառավարելի բազմացումն է:

 

Խորհուրդ 1. Լոգանք ընդունելուց հետո մանրակրկիտ չորացրեք ոտքերի մաշկը, այնուհետև վերբենա պարունակող նրբաքսուկներ օգտագործեք:

 

Սթրեսը, հորմոնալ ֆոնի փոփոխությունները և որոշ սննդամթերքների օգտագործումը կարող են քրտնքահոտի առաջացման պատճառ դառնալ: Քրտնագեղձերի չափազանց ակտիվության ժամանակ (հիպերհիդրոզ) նույնպես նկատվում է բնորոշ քրտնքահոտի առաջացում:

 

Մարդկանց մեծ մասը բավարարվում են հոտազերծիչների օգտագործմամաբ: Սակայն եթե Դուք, այնուամենայնիվ, զգում եք տհաճ քրտնքահոտ, օգտագործեք հակապերսպիրանտներ:

 

Խորհուրդ 2. Թևատակերի մաշկին քսեք բորաթթվի կամ այլ նմանօրինակ նյութերի լուծույթ: Մանրէների զարգացումը պակասեցնելու համար կարելի է օգտվել նաև հակամանրէային հիմքով կամ ալյումին պարունակող քսուքներից:

 

Հիպերհիդրոզի ժամանակ (ուժեղացած քրտնարտադրություն) արդյունավետ են բոտոքսի ներարկումները, որի շնորհիվ քրտնարտադրությունը նվազում է:

 

Խորհուրդ 3. Բերանի տհաճ հոտը վերացնելու համար բավական է մաքրել ատամները և լեզուն: Հենց լեզվի վրա են տեղակայվում այն մանրէները, որոնք առաջացնում են բերանի տհաճ հոտը:

 

Խորհուրդ 4. Որոշակի մթերքներ ուտելու դեպքում կարող է որովայնը փքվել և առաջացնել գազեր: Կարելի է սննդային օրագիր պահել և այնտեղ նշել, թե որ սննդամթերքներն են գազեր առաջացնում:

 

Որպես կանոն դրա պատճառը կաթնամթերքներն են, ինչպես նաև մրգերն ու բանջարեղենները: Հենց դրանցով են սնվում հաստ աղիքում գտնվող մանրէները: