Արթուր Աբրահամը պրոֆեսիոնալ ռինգ կվերադառնա հոկտեմբերի 26-ին

Մենամարտը նախանշված է Գերմանիայի Օլդենբուրգ քաղաքի «EWE» մարզապալատում: Մրցակիցը իտալացի 29-ամյա Ջիովանի Դե Կարոլիսն է:

 

Երեկ Գերմանիայի Օլդենբուրգ քաղաքում կայացած մամլո ասուլիսի ժամանակ Արթուր Աբրահամը հայտարարել է, որ գալիք մենամարտում ինքն ամեն ինչ կանի հաղթելու համար. «Որևէ մենամարտ հեշտ զբոսանք չէ: Ես չեմ թերագնահատում Կարոլիսին, սակայն ես եմ հաղթելու»,- նշել է Արթուր Աբրահամը:

 

Հիշեցնենք, որ Արթուր Աբրահամը WBO վարկածով սուպերմիջին քաշային կարգում աշխարհի չեմպիոնի հավակնորդն է: Աշխարհի չեմպիոնի գոտու համար մենամարտն անցկացվելու է 2014 թվականին։

 

Աղբյուրը` aravot.am