Բաց դաս` Ակնալճի Արա Հարությունյանի անվան միջնակարգ դպրոցում

Դասի նպատակն էր` ներկայացնել քրիստոնեական բարոյագիտությունը` իբրև բարոյագիտության վերաբերյալ պատկերացումների արմատական փոփոխության սկիզբ: Դպրոցում ավանդույթ է դարձել` Հայոց եկեղեցու պատմության դասերը սկսվում են Տերունական աղոթքով: Աշակերտները պատրաստել էին դիդակտիկ նյութեր, որտեղ ցույց էր տրվում Հիսուս Քրիստոսի «Աստված սեր է» և «Սիրեք միմիանց» պատվիրանների` որպես բարոյական նոր արժեհամակարգ սկզբնավորող դրույթների դերն ու նշանակությունը: Բաց դասի ընթացքում աշակերտները մեկնաբանեցին ժողովրդական առածներն ու ասացվածքները և տվեցին համապատասխան գնահատականներ:

 

Զուգահեռ ներկայացվեցին նաև «Տասը պատվիրանները», «Ոսկե կանոնը», «Երանիները», իսկ Մուրադյան Սյուզաննան արտասանեց «Սերը»:

 

Դասն իր բնույթով ուսանելի էր և հետաքրքիր: Նմանատիպ դասերը նպաստում են աշակերտների բարոյական նկարագրի ձևավորմանն ու զարգացմանը: