«Խաղաղության կրթություն» դասղեկի ժամի շրջանակներում

Հաճախ այն ինչ դժվար է տրվում մեծերին, փոքրերը կատարում են հեշտությամբ: Երկար մտածելուց հետո, թե ինչպես կարելի է ավելի ազատ և անկաշկանդ արտահայտվել, դասղեկ Լ. Մարտիրյանը խորհրդակցելով ՄԿԱ փոխտնօրեն Թ. Բաբայանի հետ, որոշեցին դասղեկի ժամերի շրջանակում ընտրել աշակերտ VΙΙΙբ դասարանից, որը իր իմացած գիտելիքները «Խաղաղության կրթություն» վերաբերյալ կգործածի և կկիսվի կրտսեր ընկերների հետ: Որոշվեց փորձը իրականացնել Vբ դասարանում(դասղեկ`Ք. Լևոնյան): VΙΙΙբ դասարանի աշակերտուհի Անահիտ Առուստամյանը մեծ պատասխանատվությամբ էր պատրաստվել, դասը հագեցած էր բազմաթիվ դիդակտիկ նյութերով, իսկ հինգերորդցիների հետ զրույցը ազատ և անկաշկանդ էր: Ամեն ինչ ծրագրածի պես անցավ, բոլոր ներկաներն էլ գոհ էին դասի արդյունքից: VIIIբ դասարանի դասղեկ` Լիլիթ Մարտիրյան