Մամոնտի կմախք՝ Սախայի հանրապետությունում

Սախայի հանրապետությունում ճապոնական «Կինդայ» համալսարանի և Fuji TV ընկերության ներկայացուցիչներից կազմված արվաշախումը մամոնտի կմախք է գտել, որի վրա փափուկ հյուսվածքներ ու նույնիսկ մորթու կտորներ կան: Հսկայական կենդանու կմախքը գտնվել է Յանա գետի ստորին հատվածում` Յունյուգենի տարածքում: Անհետացած կենդանատեսակի պահպանված կմախքը, դրա վրայի մորթու շերտն ու փափուկ հյուսվածքները նոր հնարավորություն կտան գիտնականներին ավելի խորը ուսումնասիրություններ կատարելու համար: Նշենք նաև, որ այդ տարածքում պեղումները շարունակվում են․ արշավախումբը ենթադրում է, որ հնարավոր կլինի գտնել նաև այլ արժեքավոր նմուշներ: Աղբյուրը՝ Life.panorama.am