Հեծանվորդ Էդգար Ստեփանյանը՝ բրոնզե մեդալակիր

Հայաստանի հավաքականի առաջատար հեծանվորդ Էդգար Ստեփանյանն իր թիմի` ամերիկյան Velo Pasadena Racing-ի կազմում մասնակցել է Կալիֆորնիայի հեծանվային մրցմանը՝ կրիտերիում ձևում դառնալով բրոնզե մեդալակիր: Հայ հեծանվորդը հաջող էր հանդես եկել նաև Velo Pasadena Racing-ի կազմում իր առաջին մեկնարկում: Սան Դիմասում կայացած մրցումներում նա հաղթող էր դարձել կրիտերիում ձևում: Բացի այդ, հայ հեծանվորդը ևս 3 մեդալ էր նվաճել` 2 արծաթե և 1 բրոնզե: Նշենք նաև, որ Ստեփանյանն օրեր առաջ 30 կմ կրիտերիում մրցաձևում մասնակցել էր Ontario Race Series մրցմանը` նվաճելով ոսկե մեդալ: Որպես լավագույն սպրինտեր` Ստեփանյանն արժանացել է նաև կանաչ շապիկի: «Շնորհակալ եմ բոլորիդ աջակցության համար»,- գրել է Ստեփանյանը: Աղբյուրը՝ Tert.am