Ովքեր են շաբաթվա լավագույն ֆուտբոլիստի թեկնածուները

ՈւԵՖԱ-ի պաշտոնական կայքում մեկնարկել է ֆուտբոլի Եվրոպայի լիգայի շաբաթվա լավագույն ֆուտբոլիստի քվեարկությունը: Լավագույնի կոչմանն է հավակնում Լոնդոնի «Արսենալ»-ի ուելսցի կիսապաշտպան Աարոն Ռեմսին, ով Մոսկվայի ԲԿՄԱ-ի դեմ խաղում (4:1) դարձել է դուբլի հեղինակ: Թեկնածուների թվում են նաև Մադրիդի «Աթլետիկո»-ի ֆրանսիացի հարձակվող Անտուան Գրիզմանը (գոլի հեղինակ է դարձել պորտուգալական «Սպորտինգ»-ի դեմ խաղում, իսպանական թիմը հաղթել է 2:0 հաշվով): Գերմանիայի փոխչեմպիոն «ՌԲ Լայպցիգ»-ի գերմանացի հարձակվող Տիմո Վերները, ով գրավել է «Մարսել»-ի դարպասը (1:0) և Հռոմի «Լացիո»-ի բոսնիացի կիսապաշտպան Սենադ Լուլիչը (գոլ է խփել «ՌԲ Զալցբուրգ»-ին, հաշիվը՝ 4:2): Աղբյուրը՝ Sport.news.am