Տարվա լավագույն ֆուտբոլիստի մրցանակը հանձնվեց Հենրիխ Մխիթարյանին

2017 թվականի դեկտեմբերի 22-ին Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» անվանակարգում քվեարկության արդյունքները: Քվեարկության արդյունքում լավագույն ֆուտբոլիստ ճանաչված, Լոնդոնի «Արսենալ»-ի կիսապաշտպան Հենրիխ Մխիթարյանն այսօր ստացել է Հայաստանի 2017թ․ լավագույն ֆուտբոլիստի մրցանակը։ Արարողությունը տեղի է ունեցել Ավանի ֆուտբոլային ակադեմիայում, որտեղ Հայաստանի ազգային հավաքականն այս օրերին հավաք է անցկացնում։ Հենրիխ Մխիթարյանը տարվա լավագույն ֆուտբոլիստ է դառնում արդեն 8-րդ անգամ իր կարիերայի ընթացքում և 7-րդ անգամ անընդմեջ: 39 քվեարկողներից 38-ը Մխիթարյանի անունը նշել են առաջին տեղում: Երկրորդ տեղն զբաղեցրել է մակեդոնական «Վարդար»-ի հարձակվող Տիգրան Բարսեղյանը, իսկ երրորդ տեղը՝ ռուսական «Ուրալ»-ի պաշտպան Վարազդատ Հարոյանը։ Աղբյուրը՝ Sport.news.am