Մեկնարկել է «Սպորտլանդիա» մարզական միջոցառումը

Մեկնարկել է «Սպորտլանդիա» մարզական միջոցառման համայնքային փուլը, որին մասնակցում են Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 1-3-րդ և 4-7-րդ դասարանների աշակերտները: «Սպորտլանդիա» մարզական միջոցառման անցկացման հաստատված ժամանակացույցի համաձայն՝ համայնքային փուլի մրցումները կտևեն մինչև ս․ թ․ մարտի 25-ը: «Սպորտլանդիա»-ի համայնքային փուլում 1-ին, 2-րդ տեղերը գրաված, Երևանի վարչական շրջանների մրցումներում հաղթած և Ստեփանակերտ քաղաքի եզրափակիչ փուլում մրցանակային տեղեր զբաղեցրած թիմերը ապրիլի 10-ից 25-ը կմասնակցեն «Սպորտլանդիա» մարզական միջոցառման եզրափակիչ փուլին: Աղբյուրը՝ Mamul.am