Միխայիլ Բիլեկ. Հայաստանի հավաքականն ուժեղ է Չեխիայի թիմից

«Հայաստանի հավաքականի դեմ խաղը մեզ համար չափազանց կարևոր է աշխարհի առաջնության ուղեգիր նվաճելու առումով: Շատ եմ ցավում, որ այդ հանդիպմանը չեն կարողանա մասնակցել թիմի ավագ Տոմաշ Հյուբշմանը, Մատեյ Վիդրան ու Վլադիմիր Դարիդան, ովքեր հիմնական կազմի ֆուտբոլիստներ են: Նրանց բացակայությունը կթուլացնի մեր կազմը, սակայն մենք կհաղթահարենք այդ դժվարությունը:

 

Այժմ Հայաստանի հավաքականն ուժեղ է Չեխիայի թիմից: Հայաստանի հավաքականն ունի ուժեղ հարձակման գիծ և պատահական չէ, որ նրանք չորս գոլ են խփել Դանիայում: Հայերն ունեն լավ խաղաոճ, սակայն նրանց պաշտպանությունը վստահ չի գործում: Մեզ շատ է հարկավոր երկրպագուների աջակցությունը: Բացի այդ, դա մեր վերջին տնային խաղն է այս ընտրական խմբում»,- նշել է Բիլեկը:

 

Հիշեցնենք, որ Երևանում չեխերը Հայաստանի հավաքականին հաղթել են 3:0 հաշվով: Իսկ սեպտեմբերի 10-ին Միխայիլ Բիլեկի թիմը Թուրինում մրցելու է իտալացիների հետ:

 

Աղբյուրը՝ sport.news.am