Մայրենիի օրվան նվիրված միջոցառում՝ Ստեփանավանի N 1 հիմնական դպրոցում

Առանձնահատուկ արարողակարգով է նշվում Ստեփանավանի N 1 հիմնական դպրոցում մայրենիի օրը: Փետրվարի 19-23-ը դպրոցում հայտարարված է մայրենիի շաբաթ, փետրվարի 21-ին շաբաթվա շրջանակներում 5-9 –րդ դասարանների աշակերտների մասնակցությամբ անցկացվեց երկրորդ միջոցառումը: Հաղորդավար աշակերտները նախ խոսեցին մայրենի լեզվի գեղեցկության մասին, այնուհետև լեզվի կարևորությունն ու նշանակությունը ներկայացնող նրանց խոսքում կոչեր հնչեցին մայրենին անաղարտ պահելու, չաղավաղելու և մաքրամաքուր պահելու մասին: Նրանց խոսքն ընդմիջվում էր համերգային համարների կատարումներով: Ազդեցիկ էր VIա դասարանի աշակերտների հայոց լեզվին նվիրված ասմունքը և մի խումբ աղջիկների քնքուշ երգը: Հոգին թունդ հանող երաժշտական համարներ էին 5-7-րդ դասարանների աշակերտների մասնակցությամբ «Պատգամ» երգը, դհոլով կատարված VI դասարանի ելույթը, IX դասարանի կատարմամբ հնչած հայրենակարոտ «Արագիլ» երգը: Միջոցառումն ամբողջացավ բոլոր դասարանների կողմից հնչեցրած մայրենիին ուղղված կոչ-կարգախոսներով, միաբերան, միաշունչ, բոլոր մասնակիցների մասնակցությամբ հնչեցրած մայրենին անաղարտ պահելու և սերնդեսերունդ փոխանցելու երդման խոսքով: Միջոցառումը եզրափակվեց գիրք նվիրելու արարողությամբ, ավանդական այս արարողակարգի ընթացքում իրենց նվեր գրքերը հանձնեցին դպրոցի գրադարանին, այսպես այս տարի ևս «Գիրքս նվիրում եմ գրադարանին» գրադարանի անկյունը հարստացավ նոր ու թարմ գրքերով: Սկսած 2010 թվականից դպրոցի գրադարանը աշակերտների կողմից ստացել է 134, անհատների կողմից 11 կտոր գրքերով: Այդ գրքերը թարմացրել են գրադարանային ֆոնդը և դարձել ըննթերցանության սիրված գրքեր: