Տատյանայի օրը

Արճիսի միջնակարգ դպրոցի վաստակաշատ ուսուցչուհի Ս. Անդրեասյանը հերթական գեղեցիկ միջոցառումն էր կազմակերպել: Միջոցառումը նվիրված էր ավանդական ռուսական տոնին: Աշակերտները նախ ներկայացրին տոնի ծագման պատմությունը, ապա կատարեցին բուն տոնին կատարվող ծեսերը: Ուրախ երգն ու պարը, ասմունքը, հանելուկներն ու հումորը միջոցառումը դարձրին հետաքրքիր և ուրախ: Աշակերտները արտասանում էին գեղեցիկ առոգանությամբ: Ուսուցչուհին հետաքրքիր և ուսանելի հարցեր ուղղեց նաև հանդիսատեսին, որն էլ ավելի բարձր տրամադրություն ապահովեց: