<<Մեր հայրենիքը>>

Սևանի N4 հիմնական դպրոցում անցկացվեց բաց դաս ՝ <<Ես և շրջակա աշխարհը>> առարկայից /ուսուցիչ՝ Լիլիթ Հայրապետյան/: <<Մեր հայրենիքը>> թեմայի ամփոփում էր : Դասարանը կահավորված էր թեմային, համապատասխան դիդակտիկ նյութերով / քարտեզ,տեսարժան վայրերի լուսանկարներ/: Աշակերտները պատասխանեցին իրենց բաժանված հարցաշարին՝ Հայաստանի վերաբերյալ: Նրանք բացատրեցին <<Հայաստան>> անվան ծագումը, ցույց տվեցին մարզերը, մարզկենտրոնները, թվարկեցին մայրաքաղաքները, խոսեցին Էրեբունի-Երևանի, պետական խորհրդանիշների մասին: Գեղեցիկ էր յուրաքանչյուր մարզը՝ իր հայտնի մարդկանցով ներկայացնելու պահը՝ յուրաքանչյուր լուսանկարը ամրացվեց քարտեզի համապատասխան մարզի վրա (Վ.Համբարձումյան,Պ.Սևակ,Մ.Մկրտչյան): Բացատրեցին <<ժամանակի գիծը>>: Աշակերտները կատարեցին կարևոր եզրակացություն՝ հայրենիքը մեկն է – Հայաստանը,ու մենք ենք նրա տերն ու պաշտպանը: Դասալսմանը ներկա ուսուցիչները համոզվեցին,որ ուսուցչուհին աշակերտներին ոչ միայն կայուն ու բարձր գիտելիքներ է տվել,այլև նրանց մեջ մշտապես դաստիարակում է հայրենասիրություն և հայրենիքին օգտակար լինելու ձգտում: