Աշակերտական խորհրդի կատարած աշխատանքները

Տավուշի մարզի Արճիսի միջնակարգ դպրոցի աշակերտական խորհուրդը միշտ հանդես է գալիս հետաքրքիր մտահղացումներով և ի կատար ածում դրանք` ստանալով դպրոցի տնօրենության աջակցությունը: Պարբերաբար օգնում են գյուղի միայնակ ծերերին, հաշմանդամներին: Աշնանը և գարնանը հաճախ կազմակերպում են դպրոցամերձ տարածքի և մանկական զբոսայգու մաքրման աշխատանքներ: Բարության տոնին ընդառաջ պատրաստվում են այցելել գյուղի մանկապարտեզ` երգով ու պարով ուրախացնելու փոքրերին, ապա իրենց ծառայությունն առաջարկել միայնակ ծերերին և հաշմանդամներին: