Մխիթարյանը և Օբամեյանգը՝ թիմակիցներ

«Բորուսիա»-ի ֆուտբոլիստ Պիեր Էմերիկ Օբամեյանգը պաշտոնապես դարձել է Լոնդոնի «Արսենալ»-ի խաղացող: Նրա հետ պայմանագիր է կնքվել 3.5 տարով: «Բորուսիա»-ն խաղացողի համար 63.75 միլիոն եվրո է ստացել: Օբամեյանգը կստանա շաբաթական 180 000 ֆունտ: «Վերջապես: Ես շատ երջանիկ եմ հայտնվել «Արսենալ»-ում: Ես միացա Մխիթարյանին: «Արսենալ»-ն ունի հարուստ պատմություն. այստեղ խաղացել են Թիերի Անրիի նման հրաշալի ֆուտբոլիստներ: Նա իսկապես օրինակ է հարձակվողների համար: Կարծում եմ՝ դեռ շատ պետք է աշխատեմ Անրիի մակարդակին հասնելու համար, բայց ես կձգտեմ դրան: Հույս ունեմ, որ «Արսենալ»-ը շուտով կվերադառնա առաջատար դիրքեր: Ես կանեմ հնարավոր ամեն ինչ դրան նպաստելու համար»,-նշել է Օբամեյանգը: Շուտով հայտնի կդառնա Օբամեյանգի խաղաշապիկի համարը‚ սակայն ավելի վաղ խոսվել էր այն մասին‚ որ տեղափոխվելու դեպքում նա հանդես կգա 14 համարի ներքո: Արսեն Վենգերի ակումբում գաբոնցի հարձակվողը կփոխարինի Ալեքսիս Սանչեսին‚ ով տեղափոխվել է «Մանչեսթեր Յունայթեդ» նույն օրը‚ երբ «ՄՅՈւ»-ից «Արսենալ» է տեղափոխվել Հենրիխ Մխիթարյանը: Հիշեցնենք, որ Օբամեյանգը և Մխիթարյանը 2013-2016-ին խաղացել են Դորտմունդի «Բորուսիա»-ում: Աղբյուրը՝ Operativ.am