Ֆուտբոլային մրցաշար՝ դպրոցականների միջև

«Բանանց» ֆուտբոլային ակումբը հանդես է եկել սոցիալական նախաձեռնությամբ, որի նպատակն է դպրոցականների մեջ սեր սերմանել դեպի սպորտը և ֆուտբոլը: «Սա քո հնարավորությունն է» խորագրով ֆուտբոլային մրցաշարի առաջին փուլը կմեկնարկի փետրվարի 25-ին: Մրցաշարին կմասնակցեն Մալաթիա-Սեբաստիա վարչական շրջանի դպրոցների 2005 և 2006 թվականին ծնված երեխաներից կազմված թիմերը: «Մրցաշարի ընթացքում երեխաները հնարավորություն կունենան դառնալ ֆուտբոլային տոնի մասնակիցը, նվաճել մրցականակներ, գավաթներ և պատվոգրեր, մրցել ֆուտբոլով զբաղվող իրենց հասակակիցների հետ, ներսից ծանոթանալ «Բանանց» ֆուտբոլային ակումբին, իսկ լավագույն երեխաները կարող են ընդգրկվել «Բանանցի» ակադեմիայի թիմերում»,- ասվում է ակումբի տարածած հաղորդագրության մեջ: Աղբյուրը՝ Armsport.am