Ռոնալդինյոն ավարտեց մարզական կարիերան

Բրազիլիայի ազգային հավաքականի և «Բարսելոնա»-ի 37-ամյա նախկին հարձակվող Ռոնալդինյոն պաշտոնապես ավարտեց մարզական կարիերան։ Այս մասին հայտնել է ֆուտբոլիստի եղբայր Ռոբերտո դե Ասիսը: «Ռոնալդինյոն ավարտել է կարիերան: Ամեն ինչ վերջացած է: Հնարավոր է՝ ինչ-որ բան մտածենք «Մունդիալ-2018»-ից հետո: Միջոցառումներ կկազմակերպենք Բրազիլիայում, Եվրոպայում և Ասիայում»,- Դե Ասիսի խոսքն է մեջբերում Globo Esporte-ը: Վերջին շրջանում Ռոնալդինյոն մասնակցում էր բարեգործական և ցուցադրական հանդիպումների: Լեգենդար ֆուտբոլիստի կարիերայի վերջին ակումբը եղել է բրազիլական «Ֆլումինենսե»-ն, որը նա լքել է 2015 թվականի սեպտեմբերին: Հիշեցնենք, որ Ռոնալդինյոն կարիերայի ընթացքում հանդես է եկել «Կերետարո»-ի, «Աթլետիկո Մինեյրո»-ի, «Ֆլամենգո»-ի, «Միլան»-ի, «Բարսելոնա»-ի, ՊՍԺ-ի և «Գրեմիո»-ի կազմում: Աղբյուրը՝ Armsport.am