Ժոզե Մոուրինյոն պարզաբանել է, թե ինչու Հենրիխ Մխիթարյանը չի ընդգրկվել հայտացուցակում

«Մանչեսթեր Յունայթեդ»-ի գլխավոր մարզիչ պորտուգալացի Ժոզե Մոուրինյոն պատասխանել է այն հարցին, թե ինչու Պրեմիեր լիգայի 23-րդ տուրի՝ «Սթոք Սիթի»-ի հետ հանդիպման հայտացուցակում չի ընդգրկել Հայաստանի հավաքականի ավագ Հենրիխ Մխիթարյանին: «Կստեմ, եթե ասեմ, որ դա միայն մարտավարական որոշում էր: Ընտրեցի այն ֆուտբոլիստներին, ում մասին գիտենք, որ նրանց մտքերը 100 տոկոսով կենտրոնացված են «Մանչեսթեր Յունայթեդ»-ի վրա: Չեմ կարծում, որ ֆուտբոլիստի համար հեշտ է խաղալ, եթե կասկածներ կան ապագայի վերաբերյալ: Դա ավելորդ ճնշում է ավելացնում, որը պետք չէ խաղացողին: Այդ պատճառով կարծում եմ՝ դա լավագույն որոշումն էր նրա և մեզ համար»,- նշել է Մոուրինյոն: Աղբյուրը՝ Tert.am