«ԿՈՐՅՈՒՆ» ռազմամարզական խաղեր

Ս/թ նոյեմբերի 9-ին Գյումրու թիվ 5 հիմնական դպրոցում անցկացվեց <<Կորյուն>> ռազմամարզական խաղերի 1-ին փուլի մրցաշարը՝ 9ա /1-ին ջոկ/ և 9բ /2-րդ ջոկ/ դասարանների միջև: Յուրաքանչյուր դասարանից խաղերին ընդգրկվել էին 10-ական աշակերտ՝ 7 տղա և 3 աղջիկ: Նախապես, պայմանականորեն 1-ին ջոկը անվանակոչվեց <<Նուռ>>, իսկ 2-րդ ջոկը՝ <<Ծիրան>>: Խաղերն անցկացվեցին 2 փուլով: 1-ին փուլի խաղերն անցկացվեցին դպրոցի բակում. բացման արարողություն-զեկույց տնօրենին, ջոկերի կողմից ՀՀ պետական և ՀՀ ԶՈՒ օրհներգերի կատարում, շարային վարժաձևեր-դարձումներ տեղում ջոկերի կազմով, միատողան շարքից երկտողան շարքի կազմում և հակառակը, անհատական վարժաձևեր-շարքից դուրս գալ, պետին մոտենալ, զեկուցել, դարձումներ տեղում և շարք վերադառնալ, վազք 30մ, նռնակի նետում՝ 20մ և ավելի, գետնից հրումներ՝ տղաները 15 անգամ, աղջիկները 10 անգամ: 2-րդ փուլի խաղերն անցկացվեցին դպրոցի հանդիսությունների դահլիճում. Ինքնաձիգի ոչ լրիվ քանդում-հավաքում ժամանակով և ռազմագիտական վիկտորինա՝ յուրաքանչյուն ջոկին 15-ական հարց: Խաղերն ընթացան շատ ակտիվ ու կազմակերպված, 2 ջոկերի ուժերն էլ հավասարազոր էին և ցուցաբերեցին լավ արդյունքներ: Խաղերի վերջում նրանք տնօրենի կողմից պարգևատրվեցին պատվոգրերով: Խաղերի արդյունքում 2 ջոկերից կազմավորվեց 1 հավաքական թիմ՝ տարածքային փուլի մրցաշարին մասնակցելու համար: Խաղերն ամբողջությամբ տեսանկարահանվեցին և առանձին լուսանկարներ հետագայում կհամալրեն դպրոցի ռազմահայրենասիրական վահանակը: