«Թանգարաններն՝ իբրև կրթարան»

VIII «Բ»-ի հետ մեկամյա համատեղ աշխատանքի ընթացքում այցելել էինք Գյումրիում գործող 4 թանգարանները: Այս շաբաթ էլ այցելեցինք Մհեր Մկրտչյանի թանգարանը: Ինչպես մյուս թանգարաններում, այստեղ էլ երեխաների առջև բացվեց նորիմացության դասագիրքը, ինչպես ամենուր, այստեղ էլ նրանց փնտրող հայացքները հափշտակությամբ էին նայում այն առարկաներին, որոնց միջոցով լեգենդը կերպավորվում է: Եվ ինչպես բնորոշ է նրանց, այս անգամ էլ հարցերի տարափ տեղացին՝ շարժելով էքսկուրսավարի ժպիտը: Դե ինչ, սպասում ենք Գյումրիում նոր թանգարանների բացվելուն, իսկ մինչ այդ մեզ կանչում են հանրապետության տարբեր քաղաքներում գործող այլ թանգարանները: Իհարկե, նրանց մի մասում VIII «Բ»-ն եղել է համադպրոցական բացօթյա դասերին մասնակցելիս: Մնում է հուսալ, որ այս երեխաների համար թանգարան այցելությունը սոսկ հաճելի ժամանց չի լինի, որ հասակ առնելուն զուգընթաց կհասկանան, կգնահատեն թանգարանի դերն ու արժեքը, որ փարթամ սեղաններից վեր կենալուց հետո կմտածեն ոգին սնուցելու մասին...