Սահմանվել են դպրոցական արձակուրդների օրերը

ՀՀ կրթության և գիտության նախարար Լևոն Մկրտչյանի հրամանով հաստատված «Հանրակրթական հիմնական ընդհանուր պետական ծրագրեր իրականացնող ուսումնական հաստատությունների 2017-2018 ուսումնական տարվա օրինակելի ուսումնական պլանների» համաձայն՝ սահմանվել են դպրոցականների աշնանային և ձմեռային արձակուրդների օրերը: 2-12-րդ դասարանների սովորողներին աշնանային արձակուրդ կտրամադրվի 2017թ. հոկտեմբերի 30-ից նոյեմբերի 5-ը ներառյալ, իսկ առաջին դասարանցիներին՝ հոկտեմբերի 23-ից նոյեմբերի 5-ը ներառյալ: Ըստ ուսպլանի՝ դպրոցականների ձմեռային արձակուրդները կմեկնարկեն 2017թ. դեկտեմբերի 25-ից: 3-12-րդ դասարնցիների ձմեռային արձակուրդը կտևի մինչև 2018թ. հունվարի 7-ը ներառյայ, իսկ առաջին և երկրորդ դասարանցիների ձմեռային արձակուրդը՝ հունվարի 21-ը ներառյալ: Աղբյուրը՝ Edu.am