Համադպրոցական արշավ նվիրված Անկախության 26 ամյակին

Ստեփանավանի N1 հիմնական դպրոցի ավանդական միջոցառումների շարքում իր պատվավոր տեղն ունի համադպրոցական արշավը, որը կատարվում է սեպտեմբերին և նվիրվում է ՀՀ Անկախության տոնին: Սեպտեմբերի 23-ին՝ պայծառ ու արևոտ այդ օրը, դպրոցն իրականացրեց ամենամյա իր արշավը: Դպրոցի բակում, ՀՀ օրհներգի կատարումից հետո, աշակերտների երթը շարժվեց դեպի Արջասարի ստորոտ: Տարրական դպրոցը հանգրվանեց քաղաքամերձ պուրակում, իսկ 5-9-րդ դասարանները հասան մինչև անտառ: Ըստ արշավի ծրագրի՝ երեխաները մասնակցեցին ազգային խաղերի, դրանցից ամենաթեժը, թերևս, պարանի ձգումն էր, որ իրականացավ երկու 5-րդ, 6-րդ, 7-րդ դասարանների միջև: 9--րդ դասարանը վայելեց Արջասարի գագաթը հաղթահարելու բերկրանքը և իրենց փոքրիկ նվիրեցին սահմանը պահող հայ զինվորին: Երեխաների ուրախ, ազատ խաղերը, հայրենասիրական երգերի կատարումները էլ ավելի հարստացրին օրվա տպավորությունները: Այդ վառ տպավորությունները դեռ երկար կմնա մասնակիցների հիշողությունների մեջ: