ՀԱՄԱԳՈՐԾԱԿՑՈՒԹՅԱՆ ՀՐԱՎԵՐ

Գավառի ավագ դպրոցի աշակերտական խորհրդի անդամները ԳՊՀ ուսխորհրդի հրավերով, ի թիվս քաղաքի մյուս դպրոցների աշխորհուրդների ներկայացուցիչների, մասնակցեցին հասարակական, միջազգային կազմակերպությունների հետ համագործակցության, դրամաշնորհային ծրագրերի իրականացմանը նվիրված հանդիպմանը: ԳՊՀ ուսխորհրդի նախագահ Արեգ Սինանյանը պատմեց Ջինիշյան հիշատակի հիմնադրամի և ՀԵՄ հետ համատեղ իրականացրած դրամաշնորհային ծրագրերի մասին,իսկ այս կազմակերպությունների ներկայացուցիչներն էլ փուլ առ փուլ ներկայացրին դրամաշնորհի տրամադրման կարգը :Նրանք հորդորեցին մեր խելացի դպրոցականներին հիմնախնդիրներ բացահայտել և ծրագրի առաջարկ ներկայացնել իրենց: Շատ տպավորիչ էր ԳՊՀ-ի ռեկտոր տ. Ռուզաննա Հակոբյանի խոսքը՝ հայրենասեր, մեծերի նկատմամբ հարգալից, գրքասեր, օտար լեզուների և նորագույն տեխնոլոգիաների տիրապետող, կազմակերպված, ինքնակրթությամբ զբաղվող, սերունդ ունենալու անհրաժեշտության մասին: Տպավորիչ էր նաև այցելությունը համալսարանի թանգարան: Հետաքրքիր հանդիպման ավարտին բոլոր մասնակիցները լուսանկարվեցին ԳՊՀ-ի հիմնադիր,մեծ գիտնական, մեր արժանագույն համաքաղաքացի, լուսահոգի Հրանտ Հակոբյանի կիասանդրու մոտ : Գավառի ավագ դպրոցի տնօրենի ՄԿԱ գծով տեղակալ Ա. Բաբասյան