Գրոսմայստեր Լևոն Արոնյանը միաժամանակյա խաղի սեանս անցկացրեց հաշմանդամություն ունեցող մարդկանց հետ

Միջոցառումը տեղի ունեցավ Տիգրան Պետրոսյանի անվան շախմատի տանը՝ «Հույսի կամուրջ» հկ և դանիական «Առաքելություն Արևելք» կազմակերպության նախաձեռնությամբ:

 

Խաղին մասնակցում էին նաև ԶԼՄ-ների ներկայացուցիչներ, հասարակական կազմակերպությունների և օրենսդիր մարմնի ներկայացուցիչներ: Գրոսմայստերը 24 խաղատախտակների առջև հաղթանակ տարավ և միայն մեկ պարտիա ավարտեց ոչ-ոքի` «Ֆուտբոլ պլյուս» շաբաթաթերթի հիմնադիր, մարզական լրագրող Սուրեն Բաղդասարյանի հետ:

 

«Այս միջոցառումների նպատակն է, որպեսզի բոլորը միանան գաղափարին, որ բոլորն իրենց աշխատավայրերում և հասարակական վայրերում այնպիսի հնարավորություններ ստեղծեն, որպեսզի հաշմանդամություն ունեցող մարդը բոլորի հետ և բոլորի նման օգտվի իր հիմնարար տարրական իրավունքներից` աշխատանք, ընտանիք, ազատ տեղաշարժ, մրցություն և այլն: Իսկ սրանք դեռ խնդիր են Հայաստանում»,- ասաց «Հույսի կամուրջ» հկ նախագահ Սուսաննա Թադևոսյանը:

 

Աղբյուրը՝ aravot.am