Մխիթարյանը՝ Մանչեսթեր Յունայթեդ-Սուոնսի հանդիպման լավագույն խաղացող

Ֆուտբոլի Անգլիայի առաջնության 2-րդ տուրում «Մանչեսթեր Յունայթեդ»-ը 4:0 հաշվով հաղթել է «Սուոնսի»-ին: Առաջին խաղակեսում հանդիպման հաշիվը բացել է «Մանչեսթեր Յունայթեդ»-ի պաշտպան Էրիկ Բային: Հանդիպման արդեն 80-րդ րոպեին Հենրիխ Մխիթարյանի փոխանցումից հետո «Մանչեսթեր»-ի առավելությունը կրկնապատկել է Ռոմելու Լուկակուն, որից երկու րոպե անց կրկին Մխիթարյանի փոխանցումից հետո գոլի հեղինակ է դարձել է Պոլ Պոգբան: Չորրորդ գոլի հեղինակ է դարձել ֆրանսիացի հարձակվող Անտոնի Մարսիալը: Հանդիպման լավագույն խաղացող է ճանաչվել Հայաստանի հավաքականի և «Մանչեսթեր Յունայթեդ» ակումբի կիսապաշտպան Հենրիխ Մխիթարյանը։ Մխիթարյանն այս խաղում ստացել է 8.8 գնահատականը. սա ամենաբարձր ցուցանիշն է բոլոր խաղացողների մեջ։ Աղբյուրը՝ Panorama.am