2016-2017 ուսումնական տարվա դպրոցականների հանրապետական մարզական խաղեր

Կայացել են ՀՀ Անկախության 26-րդ տարեդարձին նվիրված 2016-2017 ուսումնական տարվա դպրոցականների հանրապետական մարզական խաղերի եզրափակիչ փուլի մրցումները: Հայաստանի Անկախության հռչակման օրվան նվիրված ամենամյա շարունակական բնույթ կրող ՀՀ դպրոցականների մարզական խաղերը կազմակերպվում են 1991 թվականից: Յուրաքանչյուր տարի հանրապետական մարզական խաղերի չորս փուլերին մասնակցում են ՀՀ և ԼՂՀ հանրակրթական ուսումնական հաստատությունների շուրջ 63 000 դպրոցականներ (5-12-րդ դասարանների աշակերտներ): Ֆուտբոլի եզրափակիչ փուլը կայացել է Աշտարակ քաղաքում, որին մասնակցել է 5 թիմ: Առաջին տեղը գրավել է Արցախի թիմը, 2-րդը՝ Վայոց Ձորի, իսկ 3-րդը` Կոտայքի թիմերը: Վանաձոր քաղաքում ֆուտզալի մրցումներին մասնակցել է 9 թիմ: Առաջին տեղը գրավել է Երևանի, 2-րդը՝ Վանաձորի, իսկ 3-րդը՝ Գյումրու թիմերը: Վոլեյբոլի մրցումներին մասնակցել է 5 թիմ: Պատանիների առաջնությունում առաջին տեղն է գրավել Երևանի, 2-րդը՝ Արցախի, իսկ 3-րդը՝ Գեղարքունիքի թիմերը: Աղջիկների առաջնությունում առաջին տեղ է գրավել Երևանի, 2-րդը՝ Արցախի, իսկ 3-րդը՝ Սյունիքի թիմերը: Բասկետբոլի մրցումները կազմակերպվել են Դիլիջան քաղաքում. մրցումներին մասնակցել է պատանիների և աղջիկների 5 թիմ: Պատանիների առաջնությունում առաջին տեղն է գրավել Երևանի թիմը, 2-րդը՝ Արցախի թիմը, իսկ 3-րդը՝ Շիրակի թիմը: Աղջիկների առաջնությունում առաջին տեղն է գրավել Շիրակի թիմը, 2-րդը՝ Արցախի, իսկ 3-րդը՝ Երևանի թիմերը: Հանդբոլի մրցումները կայացել են Դիլիջան քաղաքում. մրցումներին մասնակցել է պատանիների և աղջիկների 5 թիմ: Պատանիների առաջնությունում առաջին տեղն է գրավել Լոռու թիմը, 2-րդը` Գեղարքունիքի, իսկ 3-րդը՝ Արցախի թիմերը, իսկ աղջիկների առաջնությունում առաջին տեղն է զբաղեցրել Երևանի թիմը, 2-րդը՝ Լոռու, իսկ 3-րդը՝ Արցախի թիմերը: Վանաձոր քաղաքում կազմակերպված սեղանի թենիսի մրցումներին մասնակցել է պատանիների և աղջիկների 8 թիմ: Պատանիների առաջնությունում առաջին տեղն է գրավել Լոռու թիմը, 2-րդը՝ Երևանի, իսկ 3-րդը՝ Արցախի թիմերը: Աղջիկների առաջնությունում առաջին տեղն է գրավել Երևանի թիմը, 2-րդը՝ Արցախի, իսկ 3-րդը՝ Լոռու թիմերը: Բադմինթոնի մրցումները կազմակերպվել են Երևան քաղաքում. մրցումներին մասնակցել է պատանիների և աղջիկների 7 թիմ: Պատանիների առաջնությունում առաջին տեղն է գրավել Երևանի թիվ 1 թիմը, 2-րդը` Երևանի թիվ 2, իսկ 3-րդը՝ Լոռու թիմերը: Աղջիկների առաջնությունում առաջին տեղն է գրավել Երևանի թիվ 1 թիմը, 2-րդը՝ Երևանի թիվ 2, իսկ 3-րդը` Շիրակի թիմերը: Ատլետիկայի և լողափնյա վոլեյբոլի մրցումները դեռ չեն անցկացվել: Աղբյուրը՝ Edu.am