Մանչեսթր Յունայթեդ-Մանչեսթր Սիթի. Մխիթարյանը՝ գոլային փոխանցման հեղինակ

International Champions Cup-ի խաղարկության շրջանակում ամերիկյան Հյուսթոն քաղաքում կայացած հանդիպմանը «Մանչեսթր Յունայթեդ»-ը 2։0 հաշվով հաղթել է «Մանչեսթր Սիթի»-ին։ Հանդիպման հաշիվը բացել է ՄՅՈւ-ի նորեկ Ռոմելու Լուկակուն՝ 37-րդ րոպեին գնդակն ուղարկելով հակառակորդի դարպասը: Հանդիպման 39-րդ րոպեին Հայաստանի ազգային հավաքականի ավագ Հենրիխ Մխիթարյանի գոլային փոխանցումից հետո Մարկուս Ռեշֆորդը կրկնապատկել է հաշիվը: Նշենք, որ սա ՄՅՈւ-ի երրորդ անընդմեջ հաղթանակն էր ԱՄՆ-ի ուսումնամարզական հավաքի շրջանակում: Մինչ այս , թիմն առավելության էր հասել «Լոս-Անջելես Գելեքսի» (5:2) և «Ռեալ Սոլթ-Լեյք» (2:1) թիմերի նկատմամբ: Կայացած այս երեք խաղերում Մխիթարյանն իր ակտիվում գրանցել է 2 գոլ և 2 գոլային փոխանցում: Աղբյուրը՝ Armsport.am